सोलुखुम्बु– विश्वको सर्वोच्च शिखर सगरमाथा क्षेत्रमा गत असोज महिनामा झन्डै नौ हजार पर्यटकले भ्रमण गरेका छन्। सगरमाथा राष्ट्रिय निकुञ्जको कार्यालय नाम्चेले जनाएको छ कि आठ हजार नौ सय दुईजना पर्यटक खुम्बु क्षेत्रमा आएका थिए।
यसबाट निकुञ्जले रु दुई करोड तीन लाख ४८ हजार पाँच सय ५३को मध्यमार्थी राजस्व सङ्कलन गरेको कार्यालयका कर्मचारी विवेक श्रेष्ठले जानकारी दिए। उनले भने, ‘निकुञ्जले प्रतिपर्यटक नेपाली रु एक सय, सार्क मुलुकका नागरिकका लागि रु एक हजार पाँच सय र अन्य मुलुकका लागि रु तीन हजार शुल्क लिन्छ।’
चालु आर्थिक वर्ष २०८१/८२ को साउनमा १२५ र भदौमा एक हजार तीन सय ३१ पर्यटकले सगरमाथा क्षेत्रको भ्रमण गरेका थिए। साउनमा रु तीन लाख ४५ हजार नौ सय ७५ र भदौमा रु ३२ लाख ३६ हजार छ सय ९६को मध्यमार्थी राजस्व सङ्कलन भएको श्रेष्ठले बताए।
‘अहिले यहाँ पर्यटकको ‘सिजन’ चलिरहेकाले पर्यटकको संख्या धेरै छ,” उनले थपे। “सगरमाथासहितका हिमाल क्षेत्रहरूको आकर्षणका कारण पर्यटक आवगमन बढेको छ।’
पर्यटकहरू काठमाडौँ र रामेछापको मन्थलीबाट जहाज वा हेलिकप्टरमार्फत लुक्ला पुग्ने गर्छन्, भने कतिपय सडकमार्गबाट सल्लेरी हुँदै लुक्ला जान्छन्। फागुन १५ देखि जेठ १५ गतेसम्म र असोज, कात्तिक, मङ्सिर महिनामा मुख्य पर्यटकीय सिजन मानिन्छ, जबकि अन्य समयलाई ‘अफसिजन’ मानिन्छ।
सिजनमा दैनिक एक हजारभन्दा बढी पर्यटकको प्रवेश भइरहेको सगरमाथा राष्ट्रिय निकुञ्जको कार्यालयले जनाएको छ। यस निकुञ्जमा हिमाल आरोहण, वन्यजन्तु अवलोकन, र साहसिक पर्यटनका लागि पर्यटकको चासो अत्यधिक रहेको छ।
सगरमाथा राष्ट्रिय निकुञ्ज १,१४८ वर्ग किमीमा फैलिएको छ र यसमा सगरमाथासहित ६ हजार मिटरभन्दा अग्ला ल्होत्से, नुप्से, चोयू, ल्होत्सेसार, पुमोरी, आमादब्लम, र थामसेर्कु जस्ता हिमचुचुराहरू छन्। गोक्यो र सम्बद्ध ताललाई सन् २००७ मा रामसार सूचीमा समावेश गरिएको थियो।
सन् १९७९ देखि यो निकुञ्ज विश्व सम्पदा सूचीमा समावेश गरिएको छ र यसको उचाइ १,८०० मिटरदेखि ८,८४८ मिटरसम्म फैलिएको छ। यहाँ कस्तुरी मृग, थार, घोरल, लङ्गुर बाँदर, मोनाल, हाँइटे, हर्न लार्क, टिबेटन स्नो कक, र चुँगजस्ता पक्षी पाइन्छन्। साभार– नेपाल क्लिक्स डट कम
