विराटनगर । विराटनगर महानगरका मेयर भीम पराजुली शनिबार बिहान हातमा झाडु बोकेर सडक बढार्दै हुनुहुन्थ्यो । उहाँलाई साथ दिइरहनु भएको थियो वडा नम्बर ४ का अध्यक्ष देवेन्द्र पोखरेललगायतले । अन्य संघसंस्थाका प्रतिनिधि र स्थानीयबासीको पनि उत्तिकै सहभागिता देखिन्थ्यो । कंचनवारी चोक पश्चिम नोबेल मेडकल कलेज जाने सडक सफाइमा मेयर आफैं खटिनु भएको थियो । भ्रमण वर्ष २०२० समेत शुरु भइ सकेकाले अब महानगरले पर्यकटहरुलाई समेत लक्षित कार्यक्रमहरु अघि बढाउन थालेको महानगरका प्रमुख पराजुलीले बताउनु भयो । ‘अब केही समयपछि महानगर धुलो र हिलोबाट मुक्त हुन्छ,’ मेयर पराजुलीले भन्नुभयो, ‘यहाँ घुम्न आउने पर्यटकहरुले विराटनगर धुलो र हिलो छ भन्ने अवस्था नहोस भन्ने हाम्रो प्रयास हो । ’ यसैअन्तर्गत महानगरका कालोपत्रे भई सकेका सडकलाई सफा गर्ने अभियान नै चलाएको छ । नयाँ कालोपत्रे सडकमा जमेको माटो र धुलो महानगरपालिकाले हटाएर टोललाई नै जिम्मा लगाउने तयारी थालेको हो । दमकलको प्रयोग गरेर महानगरभित्रका सडक धुलोरहित बनाउने अभियान अन्र्तगत तीनैपैनीदेखि ट्राफिक चौकसम्मको सडकको सरसफाई गरिएको छ । टोल मेरो हो त्यसैले घर अगाडीको सडक सफा राख्नु पर्छ भन्दै माइकवाट सचेत गराउने काम सगंै मेयर आफै टोलटोलमा गएर झाडु लगाउदै आउनु भएको छ । ‘सचेतनाको पाटोलाई पनि जोड दिएका छौं,’ मेयर पराजुलीले भन्नुभयो, ‘सधै महानगरले सफा गर्न सक्दैन कमसेकम आफ्नो घर अगाडिको सडक सफा गर्ने दायित्व मेरो पनि हो भन्ने भावना जगाउने प्रयास गरेका छौं ।’ महानगरले सडकमा फोहोर पार्नेलाई कारवाही गर्ने तयारी समेत गरेको छ । सडक सफा राख्ने वडालाई पुरस्कारको समेत व्यवस्था हुनेछ । ‘हामी दण्ड र पुरस्कार दुवै गर्ने छौं’ मेयर पराजुलीले भन्नुभयो, ‘आफू केही नगर्ने अनि नम्रतालाई कमजोरी सम्झने बानी अब सबैले त्यग्नु पर्छ ।’
घुमघाम मिडिया प्रा.लि. विराटनगर, मोरड.
पर्यटन यात्रा डट कम {paryatanyatra.com}
सूचना तथा प्रसारण विभाग दर्ता : १६१५-०७६-२०७७
अध्यक्ष: भविशकुमार श्रेष्ठ
प्रबन्ध सम्पादक: लीलावल्लभ घिमिरे
सम्पादक: निरज दाहाल
कार्यकारी सम्पादक : मीनकुमार नवोदित
व्यवस्थापक : ज्ञानमणि नेपाल ,फडिन्द्र अधिकारी
सम्पर्क ९८५२०२३४२२, ९८५२०२०२८७, ९८५२०५६७११, ९८५२०२३११५, ९८४२०२८०४९
पृष्ठहरु
लिंकहरू
हाम्रा बारेमा
पर्यटन यात्रा डट कम एउटा विशुद्ध पर्यटन न्युज पोर्टल हो । ‘विकासका लागि पर्यटन’ भन्ने मुल नारालाई सफल बनाउन पर्यटकीयस्थलहरूको समाचार, डकुमेन्टी, तस्बिरलगायतका सामग्रीहरूलाई बाहिर ल्याउनका लागि पर्यटन व्यवसायी र पत्रकारहरूको समूह मिलेर सुरु गरेको हो । यसमा पर्यटनका सबै खाले सामग्रीहरूलाई समेट्ने प्रयास गरिनेछ । साथै तपाईंहरूले समेत भिडियो र तस्बिरमा पर्यटनका प्रकाशन र प्रशारण योग्य सामग्री पठाउन सक्नु हुनेछ । त्यसका लागि हामीले मेरो तस्बिर र मेरो भिडियोका दुई कोलम राखेका छौं । त्यसमा तपाईंले paryatanyatrabrt@gmail.com मा सामग्री पठाउन सक्नु हुनेछ । ती सामग्री प्राथमिकताका साथ प्रकाशन तथा प्रशारण गर्नेछौं ।